كيف تقهرين أخوكـ

السلام عليكم ورحمة الله وبركاتــه

عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع هالخطوات والله يقويكم......






+:.+:.+:.+:.
*** عند التلفزيون ***

لا صارت فيه مباراه , والاخ متحمس اقطعي هالحماس كيف؟!
انا اقولك ..

شوفي اذا صار مبقق عيونه وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,

هنا بس تقومين بشغلك.. وتسوين نفسك ربه منزل

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف,

لا قال: ابعدي. قولي ماني فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

واذا قال: ابعدي لااصقعك على وجهك بالكاس قولي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وانزعيه برجولك ولا تلتفتين وراكِ..






+:.+:.+:.+:.+:.
*** عند النوم ***

لا صار التمساح يشخر.. نكدي عليه نومه وشلون؟! دخلي عليه اخوانك واخوانك واولاد الجيرانوصكي الباب عليهم وخليهم يلعبون بغرفته وينقزون على راسه ..

والا تعالي وهو في سابع نومه صحيه برجه خليه يصحى مايدري عن نفسه الا وهو جالس وبكل برود قوليله نبي نخرج ..





+:.+:.+:.+:.+:.
*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب هههههههه

المهم.. اضحكي على شكله والا على جلسته والا على لبسه .. هو بيقول ترى ماناني رايق ابعدني عني , انتي لا تسكتين قوليله واذا مابعدت اش بيصير

عاد هو بيقوم ويوريك اش بيصيرانتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



عادي .. عادي ولا صرتي بزر وش فيها اهم شيء تحقيق الغايه




+:.+:.+:.+:.+:.
*** وقت المهاوشه ***

لا جاء يوم وبراسك مهاوشه وتبين تتهاوشين انتي والتمساح لازم تجهزين نفسك من كل ناحيه:

1/ اللبس: لازم تلبسين حاجه ماتعيقك عن الجري


2/ شعرك لازم تلمينه وتسوين حفله براسك ذاك اليوم تحطين انواع الشباصات وانتبهي ولا خصله تنزل منك, لانهم يستغلون الشعر


3/ مفتاح الغرفه الاحتياط واجب

اذا بدت المعركه حطي راسك براسه ولا تبينين له انك خايفه وطالعي فيه وقوليله اش براسك عاد هو هنا بيقولك هذا اللي براسي طراااااااااااخ

لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في الظهر .. بس المشكله التوتر اللي تكوني فيه ماتلحقين تقفيلين الغرفه